Music

SARUNG BANGGI

Sarung banggi sa higdaan
Nakadangog ako hinuni nin sarung gamgam;
Sa lubha ko katorogan
Bako kundi simong boses iyo palan..

Dagos ako bangon si sakuyang mata binuklat,
Kadtong kadikloman ako nangalagkalag,
Si sakong pagheling pasiring sa itaas,
Naheling ko simong lauog maliwanag.

SI NANAY, SI TATAY

Si Nanay. si tatay di ko babayaan
Balakid na boot
An sacuyang utang
Si pagdara sako
Nin siyam na bulan
Gatas kong sinuso
Di ko mabayaran

Ay nanay, ay tatay kung ako humale
Hihidawon mo man
Sa gabos mong aki
Makakua ka man
Nin makakasangle
Dae makaarog
Kan sacuyang ugali

Ay nanay, ay tatay kung ako maraot
Pugutan nin payo
Ibuntog sa lawod
Kon maheling mo man
Na nag anod-anod
Ay nanay, ay tatay sapuda man tulos


ANO DAW IDTONG SA GUGON

Ano daw idtong sa gugon
Bulawan bagang paghilngon
Caso sacuyang dulocon
Lulay, burac palan nin balagon

Casu sacuya ng qui cu-a
Sarong tingog ang nagsayuma
Hare man aco pagcua-a
Lulay, burac aco ni Maria.

Si Nanay co gayod idto
Naglalakaw sa tinampo
Midbid ko man an pamayo
Lulay, garo nang burac nin cayo.

Si Nanay co gayod iyan
Naglalakaw sa lansangan
Midbid co man an pamutos
Lulay, garo nang burac nin lucban.